глас 4
Божественный врачевателю страстей, веры искусный кормчий воистину, приял еси от Господа благодать исцелений, и на демонов славныя победы, Иларионе, отче предивне, вся бо тайная обличил еси, еретическия умыслы разорив. Темже молися Христу Богу, от прелести диавольския избавити и спасти души наша.

Слава

глас 5
Сотаинниче старцев Оптинских и сонаследниче предела Владычицы, яко древо плодовитое, в пустыннем вертограде процвел еси и, яко пастырь добрый, стадо Христово утвердил еси. Ныне же моли Христа Бога в Православии сохранитися и в благочестии утвердитися любовию тя почитающим.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.