глас 1
Во страданиих веру сохранивше, древним мучеником уподобилися есте, новомученицы Соловецтии, и, смерть за Христа приемше, к жизни вечней преставилися есте, идеже со всеми святыми молите о душах наших.

Слава

глас 3
Днесь престолу Божию предстоят новомученицы Соловецтии и с Небесными лики за ны молятся Богу,/ мы же, память их благоговейно совершающе, взываем: радуйтеся, достопокланяемии сродницы наши, яко мзда ваша многа на Небесех.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.