глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 7
Пощением житие твое украсил еси, нищия возлюбив, и тем раздал еси все имение твое, в добродетелех возсиял еси, яко солнце, плачущия утешая и скорбящия веселя, и нам испроси, молимся, молитвами твоими, Евмение отче, от Христа грехов прощение.

Слава

глас 2
Светом Божественным просветився, всеблаженне, просвещаеши ны, любовию поющия твое честное и славное и святое, отче, преставление, иерарше Евмение, моля непрестанно о всех нас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.