глас 1
Украсился еси, отче Антоние, смирением, благодатию же очи душевнеи просветил еси, разсуждение, яко верх добродетели, стяжал еси и послушанием Богу угодил еси, сего ради со умилением зовем ти: слава Давшему ти крепость, слава Прославльшему тя, слава Подающему тобою нам исцеления.

Слава

глас 7
Преподобне отче Антоние, сердцем младенствуя, Богу пел еси, разумом старец быв, юныя наставлял еси, духом высок, пред отцы и братиею себе умалил еси, верный же в малом, ныне велик в Царстве Божием наречен еси, яко ты еси воистинну Оптины похвало.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.