глас 2
Блажен еси, утешителю Оптинский Анатолие, яви бо Дух Святый тя премудра наставника и веры твердаго исповедника. Сего ради зовем ти: утеши души наша смятенныя и мрак безбожия разори твоими к Богу молитвами.

Слава

глас 2
Крест Господень усердно восприим, отче богомудре Анатолие, Христу до смерти последовати возжелел еси, исповедниче истины доблий и благодати сосуде предивный.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.