глас 5
Днесь церковная расширяются недра, приемлюще богатство Божия благодати, и радуется Пресвятыя Богородицы избранная обитель, память совершающи многоименитаго лика святых Дивеевских, в Небеснем Царствии торжествующих и молящихся о душах наших.

Слава

глас 8
Сосуди Духа Святаго явистеся честным вашим житием, усерднии служителие Пресвятыя Богородицы, в земли Дивеевской просиявшии, помяните нас у Престола Божия во Царствии Небеснем.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.