глас 2
Веры Православныя непорочный блюсти­телю и заповедей Христовых усердный ис­полнителю, священномучениче Владимире, Христа всем сердцем возлюбив, паству твою добре упасл еси, незлобиво мученическую смерть приял еси. Сего ради в вечной славе пребывая, моли спастися душам нашим.

Слава

глас 4
Образ Христова милосердия являя, по­кров и защищение пастве твоей был еси, святителю отче Владимире, в кротости стра­дания приемля, безбожных мучителей, бла­гословляя, простил еси. Темже и нам испроси у Христа Бога дух мирен и велию милость.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.