глас 5
Преподобная мати Александро, благословение Царицы Небесныя исполнивши, обитель Дивеевскую основала еси, в нейже, многотрудное житие совершивши, образ Христова смирения явила еси. Темже помяни нас во Царствии Небеснем.

Слава

глас 3
Воспоим днесь, вернии, преподобную матерь нашу Александру, дивнаго удела Пресвятыя Богородицы первоначальницу, да ея молитвами и предстательством Пречистыя Девы Господь подаст нам грехов прощение и велию милость.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.