глас 5
Безмолвия истинный рачитель быв, в пустыню во отоце Анзерстем вселился еси, преподобне отче Иове, Страстем же Господним усердне покланяяся, имя Иисусово в сердце непрестанно носил еси, пустынножителей мудрый наставниче, моли Христа Бога спастися душам нашим.

Слава

глас 8
Божественная восхождения в сердце стяжав, ихже ради многи скорби претерпел еси, пристанище обрел еси в морстем отоце, преподобнаго Елеазара преемник заветов быв, Покровом Божия Матере осеняемь, достоблаженне отче Иове, поминай нас чтущих святую память твою.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.