глас 4
Оставльша тьму идолослужения, и с горячею любовию прияв свет Православныя веры Христовы, явися ты, святая Людмило, яко звезда утренняя, и светом святости твоея истинный день Богопочитания в Честей земли начав.

Слава

глас 2
Храм Твой всечестный яко цельбу душевную обретше, вси вернии велегласно вопием ти: дево мученице великоименитая, Христа Бога моли непрестанно о всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.