глас 2
Послужив старцу твоему преусердно, даровании духовными обильно исполнился еси и, яко светильник верху горы укрытися не могущий, благообразне Иосифе преподобне, монашествующим и мирским наставник добрый и предстатель теплый явился еси, темже моли Человеколюбца Христа и Заступницу Усердную, спастися душам нашим.

Слава

глас 3
Кротостию и незлобием украсився и целомудрием в лепоту одеявся, тьму страстей прогнал еси, светолучныя же испущая, отче, молитвы, явился еси старчества Оптинскаго похвала и изряден наставник монахов, темже вси зовем ти: радуйся, богоносе старче Иосифе.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.