глас 1
Яко солнце, возсиял еси в горе Амомстей, преподобномучениче Христов Ефреме, и, варварская нахождения претерпев, мученически к Богу отшел еси. Сего ради благодать присно источаеши благочестно зовущим: слава Давшему ти крепость, слава Прославльшему тя, слава Действующему тобою всем исцеления.

Слава

глас 3
На горе Амомстей добре подвизался еси, богомудре, и тамо мученическое течение скончал еси. Темже, преподобномучениче Ефреме, Жизнодавец сугубыми венцы достойно увенча тя, прилежно молящася о душах наших.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.