глас 4Днесь светло красуется град Царевококшайск и обитель Твоя, Богомати, радости исполняется: явление бо иконы Твоея празднующе, Мироносиц чтим божественных, благовествовавших людем Христово воскресение, апостолом равночестных и с Тобою спрославляемых. Темже моли, Дево Богородице, Сына Твоего, вкупе со апостолы и пречестными женами, во еже спастися нам.
Слава
И ныне
глас 2Воскресшу Ти, Жизнодавче, тридневно, се ученицы Твоя верныя притекоша ко гробу, плакахуся не нашедша Тела Твоего, ангел же им возвести, глаголя: несть зде, но воста. Проповедавша убо жены апостолом весть сию, первыя благовестницы воскресения Твоего явившеся во вселенней. Сего ради и мы припадающе молим Тя, Спасе: молитвами их и Богородицы радость воскресения не отыми от нас, град же сей и люди Твоя соблюди до скончания века.
