глас 4
Земли Волынския преславна подвижника и обители Почаевския достойна насельника, людей православных изрядна целителя, яви тя Церкви Своей Христос Бог наш, преподобне отче Амфилохие, Емуже усердно молися от навет вражиих свободитися и спастися душам нашим.

Слава

глас 2
Изволением Девы Пречистыя в обители Почаевстей вселился еси, идеже, подвижническое и скорбное житие провождая, даром молитвы умныя обогатился еси и Царствия Небеснаго наследник явился еси. Темже вопием ти: радуйся, Амфилохие, отче блаженне, целебниче и чудотворче.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.