глас 3
Святителю Патрикие, равноапостольный чудотворче просветителю Ирския страны, моли Милостиваго Бога оставления прегрешений даровати душам нашим.

Слава

глас 4
Показался еси истинный ловец человеков, мрежи бо благовестия евангельскаго простер, уловил еси языки во Царствие Христово, крещением просвещая во тме поклонения идольскаго пребывающия и тех сотворяя чада Живаго Бога; сего ради молим тя: предстательствуй, отче Патрикие, о чтущих святую память твою.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.