глас 2
Глинския пустыни доброе воспитание, Божия Матере изрядный угодниче, Православныя веры неколебимый исповедниче, святителю отче Зиновие, ты, яко орел небопарный, паству твою крилами молитвы и любве покрывал еси, темже, от гор Кавказских в Небесныя обители вселився, моли Христа Бога спастися душам нашим.

Слава

глас 5
Послушания добрый рачитель быв и смирением себе украсив, в любовь, яко соуз совершенства, облеклся еси и непрестанною молитвою к Богу востекл еси, Царствие же Небесное внутрь себе обрет, ко истинней жизни во Христе паству твою путеводил еси. Темже поминай нас, чтущих святую память твою, да зовем ти: радуйся, Зиновие богомудре.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.