глас 2
Богом умудренную блаженную старицу Матрону, земли Тульския процветение и града Москвы преславное украшение, восхвалим днесь, вернии. Сия бо, света дневнаго не познавши, светом Христовым просветися и даром прозрения и исцеления обогатися. Пресельница же и странница на земли бывши, ныне в чертозех небесных Престо­лу Божию предстоит и молится о душах наших.

Слава

глас 7
К служению Христову от чрева матерня предызбранная, праведная Матроно, стезею скорбей и печалей шествующи, твердую веру и бла­гочестие явивши, Богу угодила еси. Темже, почитающе память твою, мо­лим тя: помози и нам в любви Божии пребывати, старице блажен­ная.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.