глас 2
Апостоли, мученицы и пророцы, святителие, преподобнии и праведнии, добре подвиг совершившии и веру соблюдшии, дерзновение имуще ко Спасу, о нас Того, яко Блага, молите спастися, молимся, душам нашим.

глас 4
Правило веры и образ кротости, воздержания учителя яви тя стаду твоему Яже вещей истина, сего ради стяжал еси смирением высокая, нищетою богатая, отче, моли Христа Бога спастися душам нашим.

глас 2
Божественный гром, труба духовная, веры насадителю и отсекателю ересей, Троицы угодниче, великий святителю, со Ангелы предстоя присно, моли непрестанно о всех нас.

Слава

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.

И ныне

глас 8
Яко начатки естества Насадителю твари вселенная приносит ти, Господи, богоносныя мученики; тех молитвами в мире глубоце Церковь Твою, жительство Твое, Богородицею соблюди, Многомилостиве.