глас 5
Премудрости возвеститель блистательный был еси, Православия Богоданный защитниче, Отцев украшение Фотие Великий, ибо ересей не устрашився, обличаеши доныне гордыню их, от Востока возсиявшее светило, облистание Церкве, юже сохрани, отче, неколебиму во веки.

Слава

глас 4
Церковный светильник светозарнейший и православных наставник божественнейший, да увенчается ныне цветы песненными, боговещанная цевница Духа, крепчайший ересем противоборец, емуже и зовем: радуйся, всечестный Фотие.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.