глас 3
Земли Полоцкия плод благословенный, архиерейским саном почтен был еси, святителю отче Симеоне, Тверския епархии первопрестольниче, паствы твоея добрый устроителю, немудрых наказателю, беззаконных обличителю. Молися ко Господу о всех почитающих память твою.

Слава

глас 4
Мерило праведное явился еси, отче наш Симеоне, житию Евангельскому паству твою неустанно научал еси, сего ради во свете невечернем пребываеши от Единицы Трисолнечныя увенчанный. Темже и нас ко спасению настави богоприятными твоими молитвами.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.