глас 1
Радуйся, Богоприимче старче Симеоне, приемый во объятия Спаса Господа, веселися и ты, честная пророчице Анно, возвестившая пришествие в мир Христа Бога нашего, сокрушившаго державу вражию и подающего мирови велию милость.

Слава

глас 4
Старец днесь отрешитися от уз моляшеся сего жития тленнаго, Христа восприят на руки Зиждителя и Господа.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.