глас 4
Христа издетска возлюбив, преподобне, Тому Единому поработати вожделел еси и, в пустыню Сибирскую вселився, дар непрестанныя молитвы стяжал еси. Мы же, чтуще славныя подвиги твоя, с любовию вопием ти: моли спастися душам нашим.

Слава

глас 4
В пустыню безлюдную от славы мирския удалився, умнаго делания высоты смирением достигл еси, теплою любовию ко Христу простираяся, сладость непрестанныя молитвы сердцем познал еси. Темже сосуд Духа Святаго явився, вся концы земли Сибирския освятил еси, богоносне отче Василисче, моли Всещедраго Бога, да спасет души наша.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.