глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Таврион славный и Авкт дивный, огневи противистася и всем инем казнем, молитвами возмогающа; та убо моле­нием сердца похваляюще, верою пресвя­тую и честную память ею совершим, ду­шам просвещение почерпающа.

Слава

глас 2
Светильницы светлии явльшеся, божественнии мученицы, тварь всю светлостию чудес озаряете, недуги разрешающе и глубокую тьму всегда отгоняюще, Христу Богу молящеся непрестанно о всех нас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.