глас 2
Апостоли, мученицы и пророцы, святителие, преподобнии и праведнии, добре подвиг совершившии и веру соблюдшии, дерзновение имуще ко Спасу, о нас Того, яко Блага, молите спастися, молимся, душам нашим.

глас 8
Яко воистинну гласа апостольскаго послушатель был еси, блаженне Симо­не, Христа бо ради изволив имети буй­ство, в немже соблюл еси твоя к Богу добродетели, посреде молв некрадомы, терпением убо пачеестественным Христа подражав посрамил еси льстиваго всю гордыню, тем и в лютых ранах, якоже древний Лазарь, в недра Авраамля преселился еси, идеже и ныне утешался, посещай град твой, почитающий любовию святую память твою.

глас 4
Возгоревся рачением Горним, жестость вольнаго юродства паче всех сладких мира предпочел еси, отонудуже повннуся ти огнь, от егоже запаления град твой Юрьевец избавил еси, и воды немокренно, яко по суху, прешел есн, и хотящия быти предрекл еси, прославльшаму тя тако Богу, к Немуже моляся и о нас, поющих тя, блаженне Симоне, поминай.

Слава

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.

И ныне

глас 8
Яко начатки естества Насадителю твари вселенная приносит ти, Господи, богоносныя мученики; тех молитвами в мире глубоце Церковь Твою, жительство Твое, Богородицею соблюди, Многомилостиве.