глас 4
Яко пленных свободитель, и ни­щих защититель, немощствующих врач, победоносче великомучениче Георгие, моли Христа Бога, спастися душам нашим.

Слава

глас 8
К возбранному и скорому заступлению твоему прибегше, вернии, молим избавитися, страстотерпче Христов, от соблазн вражиих, воспевающим тя, и всяких бед и озлоблений, да зовем: радуйся, мучениче Георгие.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.