глас 2
Апостоли, мученицы и пророцы, святителие, преподобнии и праведнии, добре подвиг совершившии и веру соблюдшии, дерзновение имуще ко Спасу, о нас Того, яко Блага, молите спастися, молимся, душам нашим.

глас 1
Любовию к Богу распаляемь, жизнь свою мученически за Христа и ближних положил еси, сего ради венец правды от Него приял еси, моли Всеблагаго Бога, священномучениче Иоанне, Церковь Святую сохранити в мире и спасти души наша.

глас 8
Ревностно пастырское служение свое исполняяй, ты, яко жертву благоприятную, душу свою Богу принесл еси, моли Христа Бога, отче Иоанне, мир миру даровати и душам нашим велию милость.

Слава

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.

И ныне

глас 8
Яко начатки естества Насадителю твари вселенная приносит ти, Господи, богоносныя мученики; тех молитвами в мире глубоце Церковь Твою, жительство Твое, Богородицею соблюди, Многомилостиве.