глас 4
Хлебы приносныя руками своими творя, псалмопение непрестанное усты своими яко жертву хвалы приношаше Господеви, со честным Никодимом, бла­женне Спиридоне, с нимже молися Хрис­ту Богу о душах наших.

Слава

глас 3
Да явиши разженную твою ко Господу любовь, чудне Спиридоне, разжегшуюся зело пещь мантиею своею заграждаеши и да покажеши источник вод дарований Духа в тебе живущ, одеждею своею нося воду, угашаеши пламень огненный, тем, яко имея дерзновение ко Господу, со блаженным Никодимом молися присно о нас, поющих тя.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.