глас 3
Твоего предстательства уверение и милосердия Твоего явление икона Озе­рянская нам, Владычице, показася; пред неюже души наша в молитве изливаем и верою Тебе вопием: воззри, Милосер­дая, на люди Твоя, вся скорби наша и печали утоли, утешение благое в сердца наша низпосли и спасение вечное ду­шам нашим, Пречистая, испроси.

Слава

И ныне

глас 5
Не отрини, о Милосердая Мати, слез и воздыханий наших, но прошения наша милостивно приимши, пред иконою твоею молящихся людей веру укрепи, умилением сердца их исполни и крест земнаго жития носити им помози, елика бо хощеши, можеши.