глас 8
Милости наставниче и благоутробия сокровище, еже всем отверзл еси, правоверия учителю и архиереев Боже­ственное удобрение, отче наш, иерарше Арсение, нищих был еси заступник; тем моли Христа Бога, просветити души наша, да не когда уснем в смерть.

Слава

глас 2
В пищи словес твоих, Богоносе Арсение, разумно чада твоя питая, языком хваля, устнами же пения принося, вещанием зовый: Христе, Ты еси Свет неизреченный.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.