глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 2
Чист и прав сый сердцем, и свят, преподобне Несторе, душею, прост же паки и не умея сам чести книги, сего ради чтущим я прилежне внимал еси и, оная в себе соблюдая, спешно тщался еси исправляти, яже яко разумен исполнив, обрел еси Царствие Небесное.

Слава

глас 5
Дивный во святых Своих Господь удивися изрядне в сем святем Несторе, яже аще и безкнижен сый и прост, но превзыде премудрых и посрами книжников, чтущих и не творящих, наследи блага вечныя и молит присно еже спастися нам.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.