глас 4
Великих князей русских деяния и преподобных отец печерских жития и чудеса написавый, свое же, Богомудре Несторе, многих ти ради добродетелей имя написано на небеси стяжавый, мо­ли и нам написатися в Книги Животныя.

Слава

глас 2
Яко сый Богоноснаго Феодосия ученик, и истинный жития того подражатель, первый честных его мощей самовидец быти сподобился еси, яже с прочими святолепно пренес, наследил еси с темиже Царство Небесное, еже получити и нам, чтущим тя, Господеви молимся.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.