глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Иже Божественным рачением подвигся на отмщение пролитыя крови пра­ведных, яко Давид от Самуила, ты же от Зинона предивнаго, пророчески яже сбытися тебе предрекша, еже обещани­ем к нему, и того благословением побе­ды на враги и одоления показавшу, отнюду же со отложением царства пост­ных селений горы жизнь соверши, Елезвое царю, моли Небеснаго Царя Хрис­та спасти души наша.

Слава

глас 4
Высоту земнаго царства, и венца венец светлости, и багряницу отложшаго любве ради Царя Христа, от Негоже на Небесех славно венчана, Елезвоя царя мудраго, иже тленным царством и мимоходящим, Царство Вечное изменшаго, в пениих песненных восхвалим, молитвенника о мире велика.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.