глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 2
Богатство твое душевное погубити хотя враг, помрачил тя бяше богатством тленным исперва, но всех спасаяй Гос­подь богатство гибнущее окрасти попу­сти, душевное же невредно соблюд, Небесных сокровищ наследника тя по­каза, Арефо, тем тя чтим и ублажаем.

Слава

глас 2
Иова терпеливодушнаго ревнуя благодарению, окраденный тленнаго своего имения претерпел еси благодарне, преподобне Арефо, тем с ним обрет нетленное имение на Небеси, моли Христа Бога о всех нас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.