глас 4
Истины проповедник и чудотворец дивен показался еси, сирот отец и ни­щих заступник, бодрый пастырь словеснаго стада, бесом страшен, всех убо от тех нападений заступай, вопиющих ти: Аверкие отче наш, моли Христа Бога, да спасет души наша.

Слава

глас 8
Яко священника превеликаго и апостолов совсельника, Церковь почитает тя вся верных, Аверкие, юже твоими молитвами соблюдай, блаженне, непобедиму и необуреваему от всякия ереси, и нескверну, яко приснопамятный.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.