глас 1
Владыце Христу, Богу нашему, Иже славу Свою рабиим зраком скры, в смирении и кротости подражая, юродства вретищем благодать, ти данную, покрыл еси и духовный наставник многим явился еси, отче преподобне Гаврииле. Темже и нас во благочестии укрепи и моли спастися душам нашим.

Слава

глас 4
Непостижима есть милость Господа, Егоже благодатию естество наше обожено бысть, ты же, блаженне отче, во смирении глубоце жительствуя, правду Божию проповедал еси/ и, лирою мудрости звяцая, любовию к ближним пламенел еси и тако, образ Творца в себе нося, добродетельми подобие Божие в себе уяснил еси. Мы же, прославляюще тя похвалы достойными, яко ходатаю Божия благодати, сице вопием: радуйся, преподобне Гаврииле, Иверии похвало и радование.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.