глас 4
Истинною бо Христовою верою утверждься, страстотерпче, мучителя злочестива царя победил еси со идоль­ским того возношением. Тем от Царя Великого, вечно царствующаго, пресветлым венцем победным одарен бысть, вся исцеляяй болящия и призывающия тя, Артемие великий, моли Христа Бога спасти души наша.

Слава

глас 2
Благочестиваго и венценоснаго му­ченика, на враги победы вземшаго одоление, сошедшеся, достойно песньми восхвалим Артемия превеликаго в мученицех, чудес же дателя пребогатаго, молится бо ко Господу о всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.