глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
И нравом причастник, и престолом наместник апостолом быв, деяние обрел еси, богодухновенне, в видения восход: сего ради слово истины исправляя, и веры ради пострадал еси даже до крови, священномучениче, моли Христа Бога спастися душам нашим.

Слава

глас 4
Владычню речению усердно в подобстве последова, яко убо пастырь добрый душу свою за Христовы овцы положил еси, священномучениче Садофе, молим тя, многострадальне, моли пастырем Начальника Христа и нас причести деснаго овец стояния, да воспоем ти: радуйся, священный отче Садофе, иже за Христа кровь свою излиявый.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.