глас 1
Покаяния основание, прописание умиления, образ утешения, духовного совершения, равно ангелом житие твое бысть, преподобне: в молитвах убо и пощениях, и в слезах пребывая, отче Иоанне, моли Христа Бога о душах наших.

Слава

глас 8
Ангельскому житию поревновав, преподобне: вся земная оставив, ко Христу притекл еси и Того заповедьми ограждаяся явился еси столп неко­лебим от вражьих нападений. Тем зовем ти: радуйся отче Иоанне, свети­ло пресветлое.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.