глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Воинством святых страстотерпец страждущих законне, зря онех, показал еси мужески крепость свою. И устремився на страсть волею, и умрети вожделе за Христа, Иже приял еси почесть победы твоего страдания, Уаре, моли спастися душам нашим.

Слава

глас 4
Христу последуя, мучениче Уаре, Того испив чашу, и мучения венцем увязеся, и со ангелы ликовствуеши, моли непрестанно за души наша.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.