глас 4
Яко велико сокровище и богатство некрадомо к нам прииде из Кипра, Ла­заре, Промыслом всех Бога, повелени­ем царя благочестива, подая чтущим тя исцеления даром, избавляя от бед и от всякаго вреда, верою взывающих ти: спаси всех молитвами своими, Лазаре отче наш.

Слава

глас 8
Взыде, яко звезда пресветлая, от Кипра честныя мощи твоя, Лазаре, Царствующий град освящающи и христолюбиваго царя веселящи и люди своя обогащающи, тобою благодать исцеления подающи, верно зовущим ти; радуйся, Лазаре, друже Божий.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.