глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Постнически предподвизався на горе, умная врагов ополчения всеору­жием Креста погубил еси, всеблаженне. Паки же ко страдальчеству мужески облеклся еси, убив Копронима мечем веры; и обоих ради венчался еси от Бога, преподобномучениче Андрее при­снопамятне.

Слава

глас 3
Празднует днесь Царствующий град праздник пресветлый светоносныя твоея памяти, всякий призывая град и страну, радуется бо, яко имея сокровище велие, многострадальное твое тело, Андрее мучениче, Православия светильниче.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.