глас 1
Свыше Божественною благодатию просветився Богомудре, многим терпе­нием во временней жизни течение со­вершил еси, темже и по успении источаеши чудес благодать, иже с верою приходящим к тебе, Лонгине всеблаженне. Слава Давшему ти крепость, слава Прославльшему тя в чудесех, сла­ва Действующему тобою всем исцеле­ния.

Слава

глас 2
Вышних улучити, премудре, желая, долу красных, мудре, преобидел еси, и Христови обнищавшему, сообщнища, радуяся, последовал еси, Лонгине, к Немуже прилежно не престай моляся о всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.