глас 4
Славы Божия ревнителя и благолепия церковнаго блюстителя, тесным житием и многими подвиги великому иерарху Александрийскому подобника, святителя Афанасия, исповедника Российскаго, усердно восхвалим, вернии. Сей бо присно молится о спасении земнаго Отечества своего и о всех, живущих в нем, велегласно с любовию взывая: Русь святая, храни веру Православную, в нейже тебе утверждение.

Слава

глас 3
Днесь Афанасий святитель, Христов исповедник и праведник, в невечернем Царстве Славы светло ликует и в сонме всех Русских святых, всесоставным гласом победную песнь воспевая, прилежно молит о нас Превечнаго Триединаго Бога.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.