глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 2
Добр купец бысть, Богомудре Ве­ниамине, богатство бо свое тленно раз­дав, купил еси оным нетленное в Цар­ствии небеснем, в немже ныне тамош­них благ наслаждаяся богатне, проси нам мира и велия милости.

Слава

глас 8
Куплю житейскую, яко тщетную, оставль и шед, купил еси себе многоценный бисер, Христа, Емуже во иночестем образе труды и подвиги, безменством же и послушанием, преподобне Вениамине, благоугождая, приял от Него велию и богатую милость.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.