глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 8
Православия наставниче, благочестия учителю и чистоты, вселенныя светильниче, архиереев богодухновенное удобрение, премудре, ученьми твоими вся просветил еси, цевнице духовная, моли Христа Бога спастися душам нашим.

Слава

глас 8
Украшен добродетельми, Космо Богодухновенне, Церкве Христовы украшение был еси: песньми бо украсил еси сию, блаженне, но молися ко Господу избавитися нам от всяких козней ратника, тебе зовущим: радуйся, отче пребогате.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.