глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 1
Агницы словесныя Агнцу и Пастырю, приведостеся мучением ко Христу, течение скончавше и веру соблюдше, темже днесь радостною душею совершаем, досточуднии, святую вашу память, Христа величающе.

Слава

глас 4
Страстотерпиц Христовых память празднуим, и верою просяще помощи избавитися всем от всякия скорби, зовуще: Бог наш с нами, Иже сих прославивый, якоже изволи.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.