глас 5
От юности смиренным нареченный, во иночестве же чистоте тезоименный, духовныя мудрости любитель явился еси, златовещанный благочестия учителю и лживых пагубных учений обличителю, за Истину нечестивыми гонимый, незлобие и кротость проповедавый и паству Пензенскую ревностне пасый, святителю всечестне Иннокентие, моли Христа Бога умудрити нас во спасение.

Слава

глас 8
Священнаго и боговещаннаго проповедника и дивнаго премудрости учителя вчинил еси, Господи, в наслаждение благих Твоих и покой, труды бо онаго и блаженную кончину паче всякаго всеплодия прием, едине Прославляяй святыя Своя.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.