глас 1Агницы словесныя Агнцу и Пастырю, приведостеся мучением ко Христу, течение скончавше и веру соблюдше, темже днесь радостною душею совершаем, досточуднии, святую вашу память, Христа величающе.
Слава
глас 4За Троицу терпеливо страдальчествовавшия, многокозненнаго врага победисте, братски облекшеся духом. Темже водвористеся с пятьми девами в Небесном, страстотерпицы, чертозе, и со ангелы Всецарю в веселии непрестанно предстоите.
И ныне
глас 6Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.
