глас 4
Пастырь добрый был еси русским людем, пристанище обретшим во стране чуждей, всяко наставляя их, наипаче же любви Христовой, образ ея во всем показуя, темже, святителю отче Ионо, моли Христа Бога спастися душам нашим.

Слава

глас 3
Детем не возбранил еси приходити к тебе, богоблаженне, пекийся о насущных их, и храмину им создал еси, по кончине же твоей сих не оставил еси, отрока бо разслабленна в сонном видении исцелив. Сего ради вопием ти: радуйся, чудодейственниче Ионо преславный.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.