глас 5
Удобрение Христовых страстотер­пец, и очи Христовы Церкве, очи про­светите душ наших, Сергие многостра­дальне, и Вакхе преславне: молитеся ко Господу, яко да убежим тьмы греховныя, и Света явимся общницы невечерняго, молитвами вашими, святии.

Слава

глас 2
Разум на враги мужески вооруживше, всю тех лесть разрушисте и победу свыше приимше, мученицы всехвальнии, единомысленно вопиюще: добро и красно, еже быти с Богом.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.